தேவதை ஒன்று பூமியில் பிறந்தது
வண்ணங்கள் பல கொண்ட
அழகிய சிறகோடு
தந்தையென்றும் தமயனென்றும்
மாமனென்றும்
காவல் காப்பதாய் எண்ணி
சிறகினை பிடித்து கொண்டதில்
பறப்பென்பதே தெரியாதது அத்தேவதைக்கு
மணமுடித்து கொடுத்த இடத்திலும்
சிறகுகள் கைமாறி சென்றது
குடும்பமென்றும் பிள்ளைகள் என்றுமானதில்
சிறகுகள் மறந்தே போனதே அத்தேவதைக்கு
இறுதியாய் தானொரு தேவதையென
உணராமலே இவ்வுலகை விட்டு போனது
அந்த அழகிய தேவதை ....
தேவதைகளின் சிறகினை முறிக்காமல் வலிமையோடு பறக்க வைப்போம் இனிவரும் காலங்களில் ...அனைவருக்கும் மகளிர் தின நல்வாழ்த்துக்கள் ..
கருத்துகள் இல்லை:
கருத்துரையிடுக