நாட்குறிப்பு

என் நாட்குறிப்பினில்
எழுதப்படாத வெற்று தாள்கள்
உள்ள பக்கங்கள் எல்லாம் நான்
உன்னை சந்திக்காத நாட்கள்....

எங்கள் வீட்டு கொலு

தீபாவளி நல்வாழ்த்துக்கள்

வீடெங்கும் ஏற்றுவோம் தீப ஒளியை
மனமெங்கும் ஏற்றுவோம் அன்பெனும் ஒளியை...
நண்பர்கள் தோழிகள் அனைவருக்கும்
இனிய தீபாவளி நல்வாழ்த்துக்கள்.....சுஜா

எங்கள் வீட்டு கொலு

எப்பொழுதும் என் ப்ளாக்கில் கவிதைகளையே ரசித்த என் தோழர்களே தோழிகளே எங்கள் வீட்டு கொலுவையும் கொஞ்சம் ரசியுங்களேன் ..........

அரசியல் கூத்து

வாத்தியங்கள் முழக்கமிட
கட்டியக்காரன் முன்மொழி சொல்ல
களறி கட்டியவன் பின் வந்து
கூத்தாடும் தெருகூத்து பற்றி பாடத்தில்
படித்த என் மகள் கேட்கிறாள் ..?

பேண்டு வாத்தியங்கள் முழங்க
வாகனத்தில் வந்த ஒருவன்
ஒலிபெருக்கியில் முன்மொழிய
திறந்த வண்டியில் ஒளிவெள்ளம் மின்ன
நிறைவேற்றவே முடியாத பல நூறு
வாக்குறுதிகளை அள்ளி வீசி
வருகின்ற அரசியல்வாதியை பார்த்து
கேட்கிறாள் இது தானோ தெருகூத்து என்று....

ஐந்தாண்டுகளுக்கு ஒரு முறை மட்டுமே
தரிசனம் தருகின்ற இவர்கள் ஆடுவது

தெருகூத்து அல்ல இது தான்
அரசியல் கூத்து என்றேன் நான் .......

அடையாளம் தொலைத்தவள்

அலுவலகம் செல்லும்
கணவனின் கழுத்தில் தொங்குகிறது
தான் இன்னாரென்று அறிவிக்கும்
அடையாள அட்டை .....

பள்ளி செல்லும் பிள்ளையின்
கழுத்தினில் அவன் யாரென்று
கூறும் அடையாள அட்டை .....

மழலையர் வகுப்பினில் தவழும்
குழந்தையின் கழுத்திலும் அவளைப் பற்றி
தகவல்களை பற்றிய அடையாள அட்டை ...

அவர்கள் வீட்டினில் கட்டி போடப்பட்டு இருக்கும்
நாயின் கழுத்தினிலும் ஓர் அடையாள அட்டை
அதனை பற்றிய விவரங்களோடு .....

அவரகளுக்காகவே நாள்முழுக்க பாடுபட்டு
அவர்களை எல்லாம் அன்போடு
பாதுகாக்கும் அந்த வீட்டு பெண்ணிடம் மட்டும்
எந்த வித அடையாளமுமில்லை
தானென்ற அடையாளம் தொலைத்தவள் அவள் .....

விசித்திர மனம்

உன் முகத்தில் விழிப்பதில்லை
உன் நிழல் விழும் இடங்களிலும் நிற்பதில்லை
உன் பார்வையில் படுவதில்லை
உன்னை எண்ணி பார்க்க போவதுமில்லை
நீ பேசினாலும் மறுபேச்சு பேசுவதில்லை
என்றெல்லாம் சபதமேற்றபடி
வழி மேல் விழி வைத்து காத்திருக்கிறேன் உனக்காக .........